के. के. वाघ महाविद्यालयात शिक्षक दिन उत्साहात साजरा आश्रय सामाजिक, सांस्कृतिक, शैक्षणिक ट्रस्टच्या पुढाकाराने ९८ प्राध्यापकांचा गौरव

के. के. वाघ महाविद्यालयात शिक्षक दिन उत्साहात साजरा आश्रय सामाजिक, सांस्कृतिक, शैक्षणिक ट्रस्टच्या पुढाकाराने ९८ प्राध्यापकांचा गौरव

नाशिक, दि. ५ (प्रतिनिधी) :  सरस्वती नगर येथील के. के. वाघ आर्टस्, कॉमर्स, सायन्स अँड कॉम्प्युटर सायन्स महाविद्यालयात शिक्षक दिनानिमित्त गौरव सोहळा व आरोग्यविषयक जनजागृतीपर मार्गदर्शन कार्यक्रम उत्साहात संपन्न झाला. आश्रय सामाजिक, सांस्कृतिक, शैक्षणिक ट्रस्टच्या पुढाकाराने महाविद्यालयातील प्राचार्यांसह एकूण ९८ प्राध्यापकांना त्यांच्या शैक्षणिक व सामाजिक कार्याबद्दल विशेष प्रमाणपत्र देऊन गौरविण्यात आले.या कार्यक्रमास प्रमुख पाहुणे म्हणून के. के. वाघ शिक्षण संस्थेचे सरस्वती नगर कॅम्पस समन्वयक व विश्वस्त डॉ. व्ही. एम. सेवलिकर, आश्रय सामाजिक, सांस्कृतिक, शैक्षणिक ट्रस्टचे आरोग्य विभाग सचिव प्रा. प्रकाश पांगम, तसेच आश्रय सामाजिक, सांस्कृतिक, शैक्षणिक ट्रस्टच्या आरोग्य विभागाच्या सहसचिव व मानवता कॅन्सर हॉस्पिटलच्या पॅथॉलॉजी विभाग प्रमुख डॉ. सुचेता गंधे वळसंगकर उपस्थित होत्या. कार्यक्रमाचे संपूर्ण नियोजन, स्वागत व आयोजन अधिकारी प्रा. अर्चना कोते यांनी केले.